Chelsea fiton me lehtësi, Lucas shpëton nga turpi Mourinhon në FA Cup (VIDEO)

Chelsea ka mundur 2-0 Nottingham Forrest në FA Cup duke siguruar kualifikimin për në raundin tjetër. Blutë e Londrës do të zgjidhnin ndeshjen që pjesën e parë. Hudson-Odoi zhbllokoi duelin në minutën e 6-të, ndërkohë që në të 33-ën do të ishte Barkley që do të realizonte edhe të dytin.

Tottenham shkaktoi surprizën e madhe në këtë raund, teksa nuk shkoi më shumë se një barazim 1-1 ndaj Middlesbrough. Skuadra që mban vendin e 16-të në Championship kaloi e para në avantazh me Fletcher në minutën e 50-të, por Lucas do të barazonte gjithçka 11 minuta më pas. “Spursat” në këtë mënyrë do të luajnë një tjetër ndeshje ndaj ekipit modest, por këtë herë në shtëpinë e tyre.