Chelsea kërkon të “heq qafe” Lukakun, ja shifra që kërkon për të

Romelu Lukaku po kalon një sezon të tmerrshëm te skuadra e Chelsea-t, teksa në shumicën e ndeshjeve është i detyruar që të qëndrojë në stol. Blutë e Londrës janë duke punuar për të përfituar sa me shumë nga shitja e tij, duke qenë se një vit më parë shpenzuan 115 milionë euro për ta marrë nga Interi.

Sipas mediave pranë klubit londinez, drejtuesit e Chelsea-t kanë vendosur të dëgjojnë të gjithë ofertat që nisin nga 75 milionë euro për sulmuesin belg, që ka shënuar vetëm 5 gola këtë sezon.

Për Lukakun kanë shfaqur interes Barcelona e Paris Saint Germain, të cilat janë të vetmet që mund të paguajnë çmimin e kartonit, ndërkohë që Interi është gati ta rikthehej në formë huazimi.