Chelsea ndryshon mendim, merr në Amerikë edhe Armando Brojën

Sporti E Mërkurë, 13 Korrik 2022 14:05

Armando Broja për momentin do të mbetet tek Chelsea. Sulmuesi shqiptar do t’i bashkohet ekipit këtë javë në stërvitje në Shtetet e Bashkuara të Amerikës.

Në fillim, kur u publikuan të grumbulluarit, Broja nuk ishte pjesë, por së fundmi thuhet se do të udhëtojë brenda kësaj jave.

Në Amerikë, Chelsea do të zhvillojë katër miqësore, më datë 16 korrik ndaj meksikanëve të Club Amerika, më 21 kundër Charlotte, më 23 derbi me Arsenal dhe më 29 korrik kundër Udineses.

Ky turne mund të jetë i rëndësishëm për të ardhmen e sulmuesit të Kombëtares sonë që ka disa propozime në tavolinë.