Chelsea në garë për Gareth Bale, gati superoferta për Real Madrid

Chelsea është futur seriozisht në garë për të marrë Gareth Bale nga Real Madrid.

Sunday Express shkruan se ish-ylli i Tottenhamit mund të largohet nga klubi spanjoll, i cili tenton të marrë Kylian Mbappe nga Monaco.

Manchester United ka qenë i interesuar për një kohë të gjatë për uellsianin, por tani janë blutë e Londrës që pritet të bëjnë një ofertë rreth 90 milionë sterlina, çka do të ndihmonte shumë madrilenët për t’u hedhur në sulm për Mbappe.

Ndërkaq, The Guardian ka shkruar më herët se Bale nuk do të lëvizë nga Madridi edhe këtë sezon, pasi Real Madrid do të presë deri më 2018 për të bërë ofertën për të riun francez.