Çinari: Kemi sulmin më të mirë, shpresoj të bëj hapin për të luajtur jashtë!

Erald Çinari ishte një nga futbollistet më të mirë në fushë në fitoren ndaj Bylisit. Sulmuesi shërbeu asist për Asanin në golin e dytë, ndërkohë që vulosi rezultatin 3-0.

“Nuk na kanë munguar lojërat e mira, por rezultatet. Kishim hyrë për 3 pikët, sepse ne luftojmë për objektivat madhorë. Sot ishte një ndeshje shumë e mirë dhe ia arritëm, dolëm me 3 pikë. Jemi sulmi më i mirë, çdo gjë fillon nga poshtë, mbrojta, mesfusha dhe sulmin. Kur komponentët punojnë ashtu siç duhet, është më e thjeshtë para portës.”

Pozicioni ideal? Që i vogël kam luajtur në krah, si djathta dhe majtas, por edhe sulmues. Do i shërbej ekipi ku të ketë nevojë, por pozicion im natyral është djathtas. Përderisa jemi sulmi më i mirë, kjo do të thotë që ndërtimet e lojës janë më të mira se në ekipet e tjera. Në ndeshje të caktuara nuk kemi qenë ashtu siç duhet dhe kemi pësuar shumë gola.

E ardhmja? Nuk di asgjë për ofertat. I kam lexuar, për momentin jam i fokusuar te Partizani. Si çdo futbollist, që do të bëjë hapin jashtë, edhe unë kam qejf të bëj këtë hap, shpresoj ta bëj sa më shpejt”, deklaroi Çinari.