City 200 milionë euro për merkato, ja synimi kryesor i Guardiolës

Manchester City ka vendosur në dispozicion 200 milionë euro për t’i shpenzuar në merkato gjatë kësaj vere. Pas fitimit të betejës me UEFA-n në CAS, drejtuesit e klubit anglez i kanë dhënë një çek të bardhë trajnerit Guardiola për të përforcuar skuadrën për sezonin e ardhshëm me trajnerin spanjoll që ka piketuar disa objektiva dhe më i rëndësishmi është mbrojtësi austriak i Bayern Munich David Alaba me të cilin ka punuar gjatë periudhës që ka drejtuar bavarezët.

Guardiola ka punuar edhe më parë me anësorin e majtë dhe duke patur parasysh edhe faktin që Mendy nuk bind në këtë pozicion të fushës, Guardiola është i gatshëm ta bëjë një sakrificë për të bindur Alaban të pranojë ofertën e Citiziens. Për sa i përket sulmit dëshira më e madhe e Guardiolës është Lautaro Martinez i Interit, por për të do të jetë e vështirë arritja e një marrëveshje për shkak të rivalitetitetit të Barcelonës.