City fiton me vështirësi ndaj Brighton, merr vendin e tretë në renditje (VIDEO)

Manchester City vuan jo pak për të marrë 3 pikët e radhës në javën e 18-të në Premier League. Skuadra e Guardiolës fitoi minimalisht 1-0 ndaj Brighton.

Golin e vetëm të ndeshjes do ta shënonte Foden 1 minutën nga fundi i pjesës së parë. Talenti anglez me një lëvizje të bukur në zonë arriti që ta dërgonte topin në rrjetë.

Në minutën e 92-të ndërkohë Sterling humbi një penallti, por që nuk do të ndikonte shumë. City tashmë ngjitet në vendin e tretë me 32 pikë, 1 më pak se Liverpooli, por dhe me një ndeshje më shumë për të luajtur.