City shkatërron Chelsea-n në super ndeshjen e Premier League (VIDEO)

Më keq se kaq nuk mund të niste viti 2021 për Chelsea-n. Skuadra e Lampard është shkatërruar 1-3 në “Stamford Bridge” nga Manchester City.  “Qytetarët” zhbllkan ndeshjen që në minutën e 18-të me një kthesë fantastike të Gundogan në hyrje të zonës.

Tri minuta më pas talenti Foden shfrytëzon një përgjumje të mbrojtjes së Bluve të Londrës duke e dërguar topin në rrjetë.  City do të vuloste fitoren që në 45 minutat e para, teksa De Bruyne do të finalizonte një kundërsulm të shpejt të Sterling, i cili nuk shërbeu për asnjë nga shokët, por goditja e tij shkoi në shtyllë dhe më pas te belgu.

Në fundin e shtesës, talenti Gudson-Odoi shënoi golin e nderit, por ë kishte pak vlerë. Me këtë fitore ekipi i Guardiolës ngjitet në vendin e 5-të me 29 pikë, ndërkohë që Chelsea renditet më poshtë me 3 pikë më pas. /R.Lika-Koha Jone/