Cluj fiton për herë të tretë radhazi titullin kampion në Rumani

CFR Cluj fiton titullin kampion për herë të 3-të rresht dhe për herë të 6-të në historinë e futbollit rumun. Skuadra e drejtuar nga Dan Petrescu triumfoi me shifrat 1-3 në përballjen direkte ndaj Universitateas së Craiovës në transfertë edhe pse vendasve mund tu mjaftonte edhe një barazim për të ruajtur kreun. Një finale e vërtetë, e cila u bë e domosdoshme sepse skadonte afati për t’i komunikuar UEFA-s ekipin që do të luante Ligën e Kampionëve sezonin e ardhshëm.

Por në këtë sfidë direkte ku luhej përveç titullit kampion edhe për pjesëmarrjen në eliminatoret e Champions League, Cluj u shfaq superior dhe fitoi 3-1 me përmbysje me golat e Vinicius, Boli dhe Deac.  Me këtë fitore Cluj u ngjit në kuotën e 49 pikëve, 5 më shumë se Universitatea që ka edhe një ndeshje për të luajtur.