Çmenduria ‘Neymar’, PSG do shpenzojë 500 milionë euro

Neymar do të largohet nga Barcelona për të nënshkruar kontratën e re me PSG-në.

Prezantimi i brazilianit në Paris është vetëm çështje ditësh pasi skuadra franceze do të paguajë klauzolën e lojtarit me vlerë 222 milionë euro.

Por, kjo shifër nuk është e gjitha që do t’i kushtojë PSG-së, e cila vetëm në Neymar do të shpenzojë deri në 500 milionë euro.

Këtu përfshihet klauzola e lojtarit, bonuset dhe paga e tij e jashtëzakonshme.

Me kontratën e re, Neymar do të përfitojë 575 mijë euro në javë, apo 27 milionë euro për një sezon, duke lënë shumë mbrapa Leo Messin dhe Cristiano Roanldon.