Conference League/ Përcaktohen sonte dy finalistët që do të përballen në “Air Albania”

Sot në mbrëmje do të përcaktohen dy skuadrat finaliste në Conference League. Vëmendja më e madhe është tek dueli Roma-Leicester në Olimpico ku çdo llogari është e hapur.

Pas barazimit 1-1 në ndeshjen e parë, kryeqytetasit  mund të ndihmohen nga faktori fushë pasi sipas mediave italiane janë shitur thuajse të gjitha biletat. Roma nuk po kalon një formë të mirë në kampionatin italian pas, kjo u pa dhe ne javën e fundit pas barazimit pa gola me Bologna-n. Henrikh Mkhitaryan do të jetë mungesë e sigurt për teknikun portugez.

Nga ana tjetër Leicester e sheh këtë duel si shpëtimin e vetëm të sezonit , pasi në Premier League praktikisht çdo gjë është e mbyllur. Në duelin tjetër , Feynoord ka hedhur një hap të sigurt drejt finales së madhe pas fitores 3-2 në ndeshjen e parë me Marseille.

Megjithatë asgjë nuk është e sigurt pasi francezët kanë treguar në shtëpinë e tyre janë dhe më të fortë dhe nuk përjashtohet mundësia mundësia e një përmbysje.