Conte: Jam gati për t’u rikthyer, kam shumë energji …

Antonio Conte ka dhënë një intervistë të gjatë për tabloidin anglez “Telegraph” dhe ka konfirmuar dëshirën e tij për t’u rikthyer në trajning, por vetëm duke filluar nga vera e ardhshme.

“E mora këtë kohë pushim për veten time, për familjen time dhe për të qenë me prindërit e mi. Babai im më shtyn të kthehem shpejt, por është e rëndësishme të rimbushem fizikisht dhe mendërisht. Tani, problemi im i vetëm është se kam shumë energji dhe po e bezdis gruan time”.

Në muajt e fundit Conte ka refuzuar shumë oferta. E para ishte pankina e kombëtares italiane, pas dorëheqjes së Roberto Mancinit, më pas disa klube evropiane dhe arabe.

Conte zbuloi disa informacione mbi metodologjinë e tij të punës. Ndër këto, përdorimi i “Subbuteo”: “Në çdo klub që kam stërvitur kam aplikuar ‘Subbuteo’, madje ndonjëherë për t’u shpjeguar disa situata taktike lojtarëve të mi. Kam pasur gjithmonë një të tillë në shtëpinë time”.