Costacurta: Ronaldo Fenomeni një qelbësirë, zbavitej duke na ulur në tokë

“Sot shpejtësia është e jashtëzakonshme në krahasim me të kaluarën. Mendoj se i vetmi që mund të luante sot nga koha ime është Ronaldo Fenomeni. Asnjë tjetër, shumë të ngadaltë në krahasim me ata që janë sot” ka deklaruar kohët e fundit Marco Materazzi e tashmë edhe një tjetër mbrojtës i madh italian, Alessandro Costacurta, duket se është dakord me të.

“Ishte i fortë, por të bënte të bëje figurë të keqe: ishte një qelbësirë, zbavitej të na ulte në tokë në mbrojtësve. Të gjithë mbrojtësit e kohës sime si Maldini, Nesta, Cannavaro e Ferrara do të thoshin se lojtari më i vështirë për tu markuar ishte Ronaldo braziliani.

Para ndeshjeve flija i qetë, përveç se kur duhej të përballesha me të. Ai zbavitej, bënte lëvizje që asnjë tjetër nuk i bënte, edhe unë përfundova me bythë përtokë shumë herë …”, deklaroi ish-mbrojtësi i Milanit për Sky Sport.