Courtois ironizon UEFA-n: Përse shërben finalja e vogël?

Belgjika nuk arriti që të ruante avantazhin e dyfishtë ditën e djeshme ndaj Francës, duke pësuar një humbje në shifrat 2-3. Portieri Thibaut Courtois nuk e ka pritur mirë disfatën duke sulmuar UEFA-n për finalen e vogël.

“Tani duhet të përqendrohemi tek sfida e së dielës kundër Italisë. Por, sinqerisht, nuk e kuptoj se përse shërben kjo ndeshje. Të renditesh i treti në Nations League nuk shërben për asgjë. Nuk e kuptoj se përse e luajmë këtë ndeshje. Për ne do të jetë si një miqësore”, deklaroi portieri i Belgjikës dhe Real Madrid në Spanjë.