Covid-19 pushton edhe Xhiron e Italisë, deri tani 9 pozitivë. Dy skuada tërhiqen nga gara
“Flluska” mbrojtëse e Xhiros së Italisë rrezikon të shpërthejë. Pas Tour De Francë, turneu i dytë më i rëndësishëm i çiklizmit botëror nisi dhe po vijonte sipas një protokolli, që dukej se po funksiononte. Por planet e organizatorëve janë prishur, pasi numri i çiklistëve të infektuar me Covid-19 ka shkuar në tre, ndërsa bashkë me pjestarët e stafeve teknike janë gjithsej nëntë pozitivë.
I pari që u konfirmua i prekur nga virusi ishte Simon Yates, ndërsa pas xhiros së radhës së testeve me tamponë, pozitivë kanë dalë çiklistët Steven Kruijsëijk dhe Michael Mattheës. Impakti negativ ka qenë I menjëhershëm, pasi skuadra Mitchelton-Scott ka njoftuar tërheqjen nga gara. Kjo pasi katër nga pjestarët e stafit teknik janë infektuar me Coronavirus. Të njëjtën gjë ka bërë edhe ekipi i Jumbo-Visma. Organizatorët e Xhiros së Italisë bëjnë të ditur se sipas protokollit sanitar dhe mjekësor do të zhvillohen të tjera teste me tamponë, por për momentin gara nuk është në rrezik.
