Cristiano Ronaldo rezulton pozitiv me koronavirus

Vazhdon përhapja me ritme të frikshme e Koronavirusit në botën e futbollit. Ylli i radhës që ka rezultuar pozitiv me Koronavirus, është Kristiano Ronaldo. Pas testit të kryer së fundmi, CR7 ka marrë sot përgjigjen e tamponit e cila rezultoi pozitive.

“Cristiano Ronaldo është mirë, pa simptoma dhe në izolim. Pas rastit pozitiv, lojtarët e mbetur kryen prova të reja këtë të martë në mëngjes, të gjitha me rezultate negative dhe janë në dispozicion të trajnerit Fernando Santos për trajnimin e kësaj pasdite “, shkruhet në njoftimin e federatës portugeze.

Kujtojmë që sulmuesi i Juventusit është i grumbulluar me kombëtaren e Portugalisë, teksa para 2 ditësh luajti titullar në supersfidën ndaj Francës që përfundoi në barazim 0-0.