Daja i mërzitur: Humbëm dy pikë, dominuam lojën ndaj Skënderbeut!

Ilir Daja është shfaqur shumë i mërzitur pas barazimit në Korçë, duke u shprehur se lojtarët e tij dominuan, por nuk i shfrytëzuan rastet për shënim.

“Dolëm barazim, por patëm shumë raste dhe luajtëm vetëm në zonën e Skënderbeut. Bëmë një gabim, që është i dyti radhazi. Të luash gjithë ndeshjen në fushën e kundërshtarit dhe të mos i lësh hapësira rivalit, nuk është ndeshje e dështuar.

Gabimi i Damcevskit? Nuk merrem dot me gabimet e lojtarëve, sepse janë njerëzore dhe do ketë gjithmonë. Edhe unë mërzitem më shumë në të tilla raste. Në golin e pësuar nuk ka gabim në rreshtim, është top i kontrolluar, por ky është i vetmi gabim në këtë ndeshje.

Ajo që duhet të përmirësojmë është vetëm shpejtësia në 20 metrat e fundit. Situatat që kishim sot në zonën e rivalit do prodhonin rezultat tjetër, pavarësisht gabimit. Jam i kënaqur me gjithë ekipin. Sot humbëm dy pikë, më vjen keq për rezultatin, nuk më lë shije të mirë.”