Daku drejt një hap ti madh në karrierë, gati kalimi te skuadra e njohur

Mirlind Daku është shumë pranë një hapi të madh në karrierën e tij, me transferimin te gjiganti rus Zenit St. Petersburg që pritet të zyrtarizohet së shpejti. Sulmuesi i kombëtares shqiptare është në prag të ndryshimit të skuadre gjatë merkatos së verës, por do të mbetet në elitën e futbollit rus, ku ka spikatur sezonin e fundit.

Rubin Kazan ka pranuar një ofertë prej 4.5 milionë eurosh nga Zenit, duke hapur rrugën për një nga lëvizjet më të bujshme të kësaj vere për një lojtar shqiptar. Performanca e Dakut ka qenë mbresëlënëse: 15 gola dhe 8 asistime e renditën atë si golashënuesin e dytë më të mirë të kampionatit, duke e kthyer në një emër të kërkuar në Rusi.

Zenit, nënkampionët aktualë dhe të mbështetur nga sponsori Gazprom, po ngulmojnë për të siguruar shërbimet e sulmuesit 26-vjeçar. Nëse gjithçka shkon sipas planit, Daku do t’i nënshtrohet vizitave mjekësore të dielën për të finalizuar transferimin.