Dalin rezultatet mjekësore, kjo është gjendja e Salah pas dëmtimit!

Mohamed Salah pësoi një dëmtim gjatë ndeshjes kundër Leicester Cityt e cila përfundoi me fitoren e “Reds-ave” me rezultatin 2-1.

Hamza Choudhury bëri një ndërhyrje të ashpër ndaj egjiptianit i cili në minutën e 92′ u detyrua të largohej nga fusha e blertë.

Megjithatë gjithçka ka kaluar pasi ekzaminimet mjekësore vërtetuan që Salah nuk ka asgjë për tu shqetësuar dhe nuk rrezikon të mungojë.

Pushimi ndërkombëtar mund të jetë avantazh për Liverpoolin në mënyrë që sulmuesi i tyre të kthehet në formë.

Në javën e ardhshme në Premier League, Liverpooli luan në transfertë kundër Manchester United.