Dalin tri emrat e parë që mund të zënë vendin e Low te Gjermania

Joachim Low ka mbyllur pas 15 vitesh aventurën në krye të Gjermanisë, teksa Europiani i kësaj vere do të jetë i fundit për të. Tashmë ka nisur edhe thashethemet se kush mund të jetë pasuesi i tij.

Sipas Bild, një nga kandidatët është Hansi Flick. Trajneri aktual i Bayern Munich ka qenë për vite me radhë ndihmësi i trajnerit të Gjermanisë, duke fituar Kupën e Botës në 2014-ën.

Kontrata e tij me klubin bavarez skadon në vitin 2023. Emri tjetër është ai i Ralf Rangnick, trajner që ishte shumë afër Milan-it verën e kaluar. Ndërkohë që një opsion mund të jetë edhe Jurgen Klopp, i cili mund të largohet nga Liverpooli në fund të këtij sezoni për shkak të rezultateve aspak të mira në kampionat.