De Biasi i jep fund pritjes, gati të marrë drejtimin e Iranit

Gianni De Biasi është gati që të marrë drejtimin e Iranit, pas një pushimi të gjatë. 63-vjeçari mësohet se do të firmosë një kontratë me kohëzgjatje 2 vite e gjysmë, me synim kualifikimin e kombëtares aziatike në Botërorin e vitit 2020.

Në këtë mënyrë strategu italo-shqiptari do të drejtojë përfaqësuesen e një vendi në konflikt të hapur diplomatik me Shqipërinë. De Biasi e drejtoi për plot 6 vite Shqipërinë, në periudhën 2011-2017, ndërsa përvoja e tij e fundit daton në shtator-nëntor të 2017-ës në krye të Alaves në Spanjë.

Prej më shumë se dy vitesh është në pritje të një oferte serioze, e bazuar në një projekt afatgjatë. Irani duket se e ka bindur për të nisur një eksperiencë të re.