De Biasi reagon për raportimet rreth largimit të tij nga Shqipëria

 Gianni de Biasi, ka reaguar sot. Në një intervistë për ‘Ora News’ tekniku i kuqezinjve i ka mohuar zërat për largim nga kombëtarja.

“Fjalët për largimin tim janë të pavërteta dhe të sajuara. Kam marrëdhënie mjaft të mira me FSHF-në dhe po punojmë për të ndërtuar një kombëtare edhe më të fortë”, tha De Biasi.

Në shkrimin e sotëm Lapsi.al i referohej burimeve të veta nga gazetarët italinë, të cilit De Biasi u kishte shprehur kontradiktat me Armando Dukën.

“Ndoshta largohem përpara “Euro 2016” nga Shqipëria”. Është kjo fraza që italiani de Biasi ua ka përsëritur shpesh në konfidencë ditët e fundit gazetarëve italianë. Njëri prej tyre, që kërkoi të mbetet anonim i tha lapsi.al se De Biasi ishte i mërzitur me përplasjet e vazhdueshme me Dukën, FSHF-në dhe zyrtarët e saj. “Jam shumë i mërzitur” –ishte rrëfimi i De Biasit.

Të njëjtat burime i thanë portalit tonë se tashmë krizës i është shtuar edhe lista e lojtarëve që do të thirren në ndeshjet e radhës dhe sidomos ata që do të përfaqësojnë vendin tonë në Francë. De Biasi nuk ka dhënë detaje, por mesa duket kanë nisur ndërhyrjet për grumbullimin e emrave të caktuar në kombëtare. Italiani i mësuar që të punojë pa ndërhyrje të tilla thotë se mund të largohet më herët se parashikimi.