Dechamps përgatit kurthin për Lewandowskin: Të mos ta lëmë të prekë top!

Trajneri i Francës, Didier Deschamps ka folur në konferencën për shtyp në kuadër të ndeshjes së nesërme kundër Polonisë, e vlefshme për fazën e 1/8-ve në Kupën e Botës. Para ndeshjes ai ka kërkuar kujdes veçanërisht për Lewandowskin.

“Ai është shumë efektiv në zonën e penalltisë. Ne duhet të sigurohemi që ta kufizojmë ndikimin e tij. Sa më pak topa të ketë në dispozicion, aq më pak i rrezikshëm do të jetë.

Pavarësisht nga inteligjenca dhe aftësia e tij me topin, e përdor shumë mirë trupin e tij edhe nëse nuk merr gjithmonë topat e nevojshëm. Por çdo top i vogël mund të jetë i rrezikshëm për të. Ne nuk do të fokusohemi vetëm se si ta ndalim, por ta bëjmë më  sa më pak të rrezikshëm që të jetë e mundur”, deklaroi Deschamps. /R.Lika-Koha Jonë/