Dembele dhe 80 milionë euro, Barcelona përgatit rikthimin e Neymarit

Rikthimi i Neymar në “Camp Nou” vijon të jetë një nga dëshirat e mëdha të Barcelonës në merkaton e verës. Klubi blaugrana ndërkohë nuk i ka mundësitë financiare për të gjetur financat për të bërë këtë lëvizje.

Sipas “El Chiringuito” ekziston një mënyrë për ta bërë të mundur këtë transferim, duke kënaqur edhe PSG-në. Kampionët e francez do të ishin të gatshëm të privoheshin nga braziliani nëse “blaugranat” japin 80 milionë euro “cash” dhe kartonin e Ausmane Dembelesë.

Në fakt, sulmuesi francez i Barçës ka zhgënjyer totalisht në Spanjë, ku mbërriti pasi la Borussian e Dortmundit në vitin 2017. “Blaugranat” janë të gatshëm ta shesin e kur bëhet fjalë për kthimin e Neymarit në “Camp Nou” do ta merrnin në konsideratë këtë mundësi shkëmbimi, duke ofruar edhe 80 milionë euro.