Derbi italian në shortin e Europa League, Bologna sfidon Romën

Sporti E Premte, 27 Shkurt 2026 13:33

Shorti i hedhur në Nyon ka rezervuar një përballje tërësisht italiane në fazën e 1/8-ave të Europa League. Bologna dhe Roma do të ndeshen mes tyre në një duel intrigues, por që njëkohësisht konsiderohet edhe si një “goditje e hidhur” për futbollin italian, pasi njëra prej dy skuadrave do të eliminohet patjetër nga gara.

Sfida pritet të jetë e ekuilibruar, me dy ekipe që synojnë të avancojnë sa më larg në kompeticionin europian. Skuadra që do të sigurojë kualifikimin në çerekfinale do të përballet më pas me fituesen e çiftit Aston Villa-Lille.