Deschamps apo Zidane? Franca merr vendimin final për trajnerin
Sporti E Shtunë, 7 Janar 2023 15:15
Didier Deschamps do të vijojë të jetë trajneri i kombëtares franceze. Ish-kapiteni drejton “Gjelat” prej vitit 2012.
Zinedine Zidane cilësohej si kandidati për ta zëvendësuar, por Federata Franceze e Futbollit (FFF) ka vendosur t’i rinovojë kontratën.
“Dua t’u jap një lajm që më dhuron kënaqësi të madhe. Presidenti i Federatës ka vendosur të rinovojë me mua deri në vitin 2026”, deklaroi Deschamps.
54-vjeçari do të udhëheqë kombëtaren franceze në Euro 2024, kompeticion që do organizohet në Gjermani, dhe në Kupën e Botës 2026 (SHBA, Meksikë, Kanada).
