Deschamps flet për rikthimin e Benzema: Nuk jam magjistar, është momenti i duhur!

Karim Benzema do të jetë pjesë e Francës në “Euro 2020”. Sulmuesi francez nuk luan me kombëtaren prej vitit 2015, teksa tashmë Deschamps është bindur nga forma fantastike e tij për ta bërë pjesë të ekipit. Strategu i njohur ka sqaruar arsyet e këtij rikthimi të bujshëm.

“Jemi takuar me Karim, biseduam dhe sqaruam gjithçka. Ka ndodhur shumë kohë më parë. Ishte hapi i parë, më pas u mendova gjatë për vendimin që mora. Në fund vendosëm ta grumbullonim për Euro 2020.

Njerëzit qeshnin me deklaratat e mia, por asnjëherë nuk jam shprehur se nuk do e grumbulloj më kurrë me Francën. Nuk jam magjistar, as Karim nuk është, tani ishte momenti të rikthehet“, deklaroi Deschamps.