Diego Costa njëlloj si Messi dhe Ronaldo, dënohet me 6 muaj burg

Pas Cristiano Ronaldos dhe Lionel Messit, futbollisti i radhës që dënohet për shmangie të taksave është sulmuesi i Atleticos së Madridit, Diego Costa.

Mediat spanjolle raportojnë se sulmuesi me origjinë braziliane, por që ka zgjedhur të përfaqësojë Spanjën, është dënuar me 6 muaj burg, të cilin mund ta shmangë nëse paguan një shifër prej 36 mijë eurosh.

Bëhet fjalë për një kontratë të cilën sulmuesi e nënshkroi me “Adidas” në verën e 2014-ës, pak para se të largohej drejt Chelsea-t, por që nuk e deklaroi në organet tatimore spanjolle, duke shmangur detyrimet fiskale.