Dinamo fitore spektakolare ndaj Vllaznisë, Elbasani mposht Bylisin

Dinamo mori një fitore spektakolare 2-3 ndaj Vllaznisë. Në Shkodër, skuadra e Ilir Dajës shkuan në dhomat e zhveshjes me epërsi të dyfishtë, pas golave të Zabërgjës dhe Nanit.

Në pjesën e dytë, miqtë thelluan shifrat, me Nanin që kompletoi dopietën. Ekipi i Brdaric u fut në lojë në minutat e fundit me golat e Çobës dhe Spahisë, por pa mundur që të dalë me pikë.

Më herët, Elbasani i dha fund serisë së ndeshjeve pa fitore, duke mposhtur Bylisin me rezultatin 3-1 me përmbysje.

Nuk prodhoi fitues dueli tjetër mes Teutës dhe Laçit, që u mbyll në barazim 1-1. Kurbinasit kaluan në avantazh me Mjakin në minutën e 31-të, ndërsa Jazxhi barazoi për durrsakët në minutën e 79-të.