Disa fakte interesante para super duelit Messi-Ronaldo

Nuk do të jetë një ndeshje si të tjerat. Për Barcelonën, Juventusin, por mbi të gjitha për duelin mes Leo Messit dhe Cristiano Ronaldos. Dy futbollistët më të mirë të 10 viteve të fundit, e jo vetëm, do të sfidohen sonte në mbrëmje në “Camp Nou”.

Në ndeshjen e parë të fituar nga katalanasit në Torino, Ronaldo mungoi për shkak dëmtimi. Ndeshja e fundit mes Messit e CR7 daton më 6 mars 2018, në “El Clasicon” e kthimit.

Në Europë ndërkohë dueli i fundit është kur Ronaldo ishte pjesë e Realit, teksa luhej gjysmëfinalja e Championsit kundër Barcelonës për sezonin 2010-11. Me 11 “Topa të Artë” në fushë: 6 për Leon dhe 5 për Cristianon. Asgjë anormale për dy lojtarë që janë të pakapshëm në dekadën e fundit.

Një tjetër fakt interesant që duhet të dini për këta dy yje është që deri më tani janë sfiduar në 35 raste, ku ka 10 fitore për luzitanin, 16 për argjentinasin dhe 10 herë janë ndarë në “paqe” mes tyre. Të dy kanë respekt reciprok për njëri-tjetrin, por në fushë kanë treguar se mund të jenë të pamëshirshëm. /R.Lika-Koha Jone/