Dita: Skënderbeu i vërtet ishte ndaj Partizanit, për “turbullon” Tirana

Bruno Dita e pranoi se skuadra e Skënderbeut vuan kur është në letër favorit na kundërshtarët. Mesfushori foli edhe për një interesim të Tiranës në merkato duke lënë gjithçka të hapur.

“Do të thosha që në ndeshjet ku jem i favoritë, kemi presion për të kaluar në avantazh, futemi shumë në presion duke qenë se kemi dhe shumë të rinj në ekip. Kështu që fitojmë me vështirësi. Jam i gatshëm të jap maksimumin, kudo që më vendos trajneri. Nuk jam nga ata që kënaqem me pak.

Kemi bërë një start të mirë, por nuk është ky i sotmi Skënderbeu që presin të gjithë. Është Skënderbeu ndaj Partizanit ai që duan të shohin të gjithë. Ajo sfidë duhet të mbetet në mendjen tonë dhe të vazhdojmë ashtu.

Dita te Tirana? Është kohë merkatoje dhe ka lajme të tilla. Si tirons që jam normalisht që më turbullon Tirana”, deklaroi Dita.