Djali i Michael Schumacher, pilot i Formula 4

Si të mos mjaftonte babai, kampion bote plot 7 herë në Formula 1, edhe djali i Michael Schumacher, po ndjek gjurmët e tij. Së fundmi 15-vjeçari,  pjesë e skuderisë holandeze Van Amersfoort Racing do të garojë në Formulën 4 këtë sezon.  Mick është nën-kampion Bote dhe Europe në fuqi me makinat Kart dhe për herë të parë do të jetë pilot i një njëvendësheje të madhe. Formula 4 grumbullon talentet e reja që aspirojnë për të qenë pjesë e Formulës 1 në të ardhmen.  Ndërkohë, babai i tij, fitues shtatë herë i Kampionatit Botëror të Formulës 1, vazhdon rehabilitimin në shtëpi pas aksidentit të rëndë me ski që pësoi në dhjetor të vitit 2013.