Dortmundi bën gati planin për të mbajtur Haaland

Borussia e Dortmundit nuk i ka hequr shpresat për rinovimin e kontratës së Erling Haaland. Sulmuesi norvegjez, ndër më të mirët në qarkullimi gjatë viteve të fundit, kërkohet nga klubet më të mëdha në Evropë dhe sipas klauzolës së në kontratën e nënshkruar me verdhezinjtë mund të largohet për 75 milionë euro.

“Bild”, shkruan se Dortmundi do t’i ofrojë dyfishin e pagës për ta bindur që të qëndrojë. Pra, nga 8 milionë euro në sezon, gjiganti nordik do të përfitonte plot 16 milionë, falë një marrëveshjeje  të arritur me sponsorin e klubit, Puma.

Manaxheri i Haalandit, Mino Raiola, nuk e ka përjashtuar mundësinë që klienti i tij të qëndrojë në Dortmund, megjithatë shumë të do të varet edhe nga ecuria e verdhezinjve gjatë pjesës së dytë të sezonit.

Nëse skuadra e Marco Rose nuk do të arrijë të kualifikohet në Champions, atëherë do të jetë thuajse e pamundur që Haaland të mbetet te skuadra verdhezi.  Reali i Madridit, Manchester United, Chelsea dhe klube të tjera të mëdha janë gati që të bëjnë gjithçka për ta rrëmbyer.