Dortmundi nuk mjaftohet me Haaland, kërkon mesfushorin e Juves

Dortmund synon të përforcohet në repartin e mesfushës. Emri kryesor në listën e klubit verdhezi është ai i Emre Can, i cili tek Juventusi asnjëherë nuk ka arritur të marrë një rol protagonisti dhe me uljen e Sarrit në stol më tepër ka qenë jashtë formacionit.

Turko-gjermani kryeson listën e lojtarëve që do të largohen nga bardhezinjtë, ndërkohë që për të ka treguar interes edhe Everton, pasi lojtari pëlqehet shumë nga Ancelotti.

Pritet edhe një lëvizje e drejtuesve të Dortmund, të cilët duan me patjetër rikthimin në Bundesligë të mesfushorit.