Douglas Costa mesazh lamtumire për Bajernin: Do më mungojë ky lojtar!

Douglas Costa tashmë është lojtar i ri i Juventusit. Lajmi është zyrtarizuar nga kampionët në fuqi të Italisë, ndërsa braziliani mëngjesin e sotëm gjendet në J-Medical në Torino ku ka kaluar me sukses testet mjekësore, shkruan “Calciomercato.com”.

Pas përfundimit të marrëveshjes menjëherë ka reaguar lojtari i cili ka thënë se do t’i mungojë shumë mbrojtësi Rafinha.

“Unë do doja të falenderoj FC Bayern München, të gjithë fansat, lojtarët dhe veçanërisht mikun tim Rafinha Official për mbështetjen gjatë udhëtimit tim në Mynih. Ishte një kohë e veçantë dhe nuk do ta harroj kurrë, do të jetë në zemrën time. Faleminderit edhe njëherë e suksese!”, u shpreh ai.