Douglas Costa: Ronaldo më i mirë se Lewandowski, doja të fitoja Championsin me Juven!

Douglas Costa gjatë verës vendosi që të braktiste Juventusin për t’u rikthyer sërish në formë huazimi te Bayernit. Mesfushori braziliani ka folur për të dyja skuadrat, ndërkohë që ka bërë një krahasim mes Ronaldos dhe Lewandowsit.

“Doja të rikthehesha prej kohësh, këtu ndihem i lumtur dhe i qetë. Këto vite kam ruajtur kontaktet, pavarësisht distancës, kam shumë miq. Nuk kam humbur kontaktet me Boateng, Muller dhe Kimmich. E vlerësoj respektin e tyre ër mua dhe për mënyrën se si luaj futboll”, tha fillimisht braziliani. Më pas ai dha një koment edhe për Juventusin: “Doja të fitonim Champions League me fanellën bardhezi, është një klub i madh, një nga më të mirët në Europë”, deklaroi ai.

Në intervistën e dhënë për gazetën “Bild”, foli edhe për Ronaldon dhe Lewandowskin: “Kam pasur fatin që të luaj me futbollist kaq të fortë, si Robert, tani është më i miri në Europë , ku mund të shihen mjaft mirë numrat e tij. Cristiano duket në një nivel tjetër më superior”. /R.Lika-Koha Jone/