Dovedan: Shpresoj të ndikojë faktori fushë kundër Tiranës

Te Bylis në orët e fundit ka dalë pozitiv ndaj Covid-19, futbollisti Qardaku, Gjithsesi kjo nuk e shqetëson shumë trajnerin Velkjo Dovedan, i cili ka folur për ndeshjen e nesërme kundër Tiranës.

“Ne jemi stërvitur normalisht gjatë këtyre ditëve. Nuk kemi bërë asnjë ndeshje miqësore. Kemi punuar, por është e vështirë të përcaktosh gjendjen e tyre, sepse nevojiten dy ose tri ndeshje për të krijuar një ide më të qartë.

Tirana është një skuadër e mirë, por ne do të përpiqemi të fitojmë. E dimë që nuk do të jetë e lehtë, por fakti që luajmë në fushën tonë më bën të besoj në një rezultat pozitiv.

A do ndikojë ndalesa? Këtë gjë nuk di ta them. Çdo gjë do të kuptohet vetëm në fushën e blertë. Mendoj se duhet të kthehemi te skuadra që kemi qenë në dhjetor”, deklaroi Dovedan.