Drejtuesi i lartë i Barcelonës del pozitiv ndaj koronavirusit
Sporti E Shtunë, 4 Prill 2020 20:02
Zv/presidenti i Barcelonës Jordi Cardoner ka rezultuar pozitiv në testin anti-koronavirus. Numri 2 i klubit katalanas ndodhet në shtëpinë e tij i izoluar dhe po vazhdon të kurohet normalisht. Ai është pjesëtari i tretë i klubit që infektohet me virusin COVID-19.
Disa ditë më parë, u konfirmua se drejtori i Shërbimit Mjekësor të Barcelonës Ramon Canal dhe mjeku i skuadrës Hoze Antoni Gutierrez ishin infektuar me koronavirus.
Kur qeveria spanjolle shpalli gjendjen e emergjencës në mes të marsit, të gjithë pjesëtaret e stafit të klubit u urdhëruan të punojnë nga shtëpia dhe të kryejnë punët e zyrës duke përdorur sisteme video konferencash.
