Dybala zhbllokon merkaton e Juventusit, Zaniolo dhe më afër “Zonjës”

Paulo Dybala mund të ketë shërbyer për të zhbllokuar merkaton e Juventusit, sa i përket objektivit për të rrëmbyer Zaniolon.

Bardhezinjtë tashmë duket se e kanë rrugë të lirë për të sjellë në Torino, Nicolo Zaniolon. Sipas asaj që raportohet nga mediat italiane, tashmë Roma është e gatshme të heqë dorë nga talenti italian pasi ka siguruar zëvendësuesin e tij.

Megjithatë, Juventusi është ende në pritje që Roma të bëjë një ulje për kartonin e italianit. Roma kërkon rreth 45 milionë euro për të, ndërkohë që bardhezinjtë kanë ofruar 10 milionë euro për huazimin dhe më pas do të paguajnë 30 milionë euro për blerjen përfundimtare.