Dyshohet se një futbollist ka thyer këmbën, ndërpritet miqësorja Kastrioti-Vllaznia

Një dëmtim i rëndë i futbollistit të Kastriotit Luis Gjini, ka sjellë ndërprerjen e miqësores mes skuadrës krutane dhe Vllaznisë, që po udhëhiqej nga shkodranët me rezultatin 0-1 falë golit të realizuar nga braziliani Da Silva në minutën e 43-të.

Ndërkohë në minutën e 60-të, pas një përplasje në mesfushë, mbrojtësi 20-vjeçar Gjini, pësoi një dëmtim horror, teksa dyshohet se ka thyer këmbën, duke sjellë ndërprerjen e ndeshjes, shkruan Panorama.

Talenti i ardhur në merkaton e verës nga skuadra e Ilirisë, është dërguar në spital, për kontrolle më të hollësishme.