E BUJSHME/ La Liga sqaron situatën e Messit: Nuk ikën pa 700 mln euro nga Barcelona

Çudirat nuk kanë fund nga Spanja, atje ku presidenti i La Ligas, ka zgjedhur që të bëjë rolin e një punonjësi të Barcelonës. Edhe pse sqarimi në lidhje me klauzolën e Lionel Messit është e drejtë vetëm e klubit katalanas për të vendosur për mënyrën e largimit, apo edhe për sqarimin e klauzolës nëse është ende aktive, federata ka vendosur që ta bëjë ajo saktësimin e situatës së argjentinasit.

Shënimi i La Liga-s:

“Në lidhje me interpretimet e ndryshme (disa prej tyre kontradiktore me njëra-tjetrën) të publikuara ditëve të fundit në media të ndryshme, në lidhje me situatën kontraktuale të lojtarit Lionel Andrés Messi me FC Barcelona, La Liga e konsideron të përshtatshme për të sqaruar se:

1) Kontrata është aktualisht në fuqi dhe ka një klauzolë përfundimi të zbatueshme në rast se Lionel Messi vendos të kërkojë ndërprerjen e parakohshme të njëanshme të kontratës, e realizuar në përputhje me nenin 16 të Dekretit Mbretëror 1006/1985, të datës 26 qershor, që rregullon marrëdhënien e veçantë të punës së sportistëve profesionistë.

2) Në përputhje me rregulloret në fuqi, dhe duke ndjekur procedurën përkatëse në këto raste, La Liga nuk do të kryejë procesin e vizave paraprake që lojtari të hiqet nga federata nëse nuk kanë paguar më parë shumën e klauzolës së përmendur “. /R.Lika-Koha Jone/