E BUJSHME/ Rey Manaj nis stërvitjet me Messin, grumbullohet nga trajneri Setien

Rey Manajt i është dashur që të presë vetëm pak ditë që të stërvitet me Lionel Messin. Sulmuesi i Kombëtares sonë ka nisur përgatitjet me yllin argjentinas dhe lojtarët e ekipit të parë për ndeshjen e Kupës së Mbretit ndaj Leganes.

Ai ka marrë një ftesë nga trajneri Setien, i cili beson shumë të të rinjtë dhe nuk përjashtohet as mundësia që ai të luajë në këtë ndeshje. Në këtë mënyrë Manaj realizon për një periudhë të shkurtër ëndrrën për të luajtur në krahë të Messit, qoftë edhe në stërvitje. /R.Lika-Koha Jone/