E BUJSHME/ Shokohet Juventusi, ndeshja me Napolin do të riluhet!
Bordi i Garancisë Sportive ka përmbysur dy nivelet e para të gjykimit sportiv teksa ka vendosur që ndeshje Juventus-Napoli të luhet. Të Kaltërve ndërkohë u është hequr edhe dënimi prej një pikësh.
Klubi i De Laurenttis ka bindur me arsyet e tij në Apel. Teksa më parë ishte vendosur nga Gjykata Sportive që ndeshja të fitohej në tavolinë nga Juventusi dhe t’i hiqej 1 pikë në renditje.
Pas këtij vendimi, tani i takon Ligës së Serisë A që të gjejë një datë të lirë për të caktuar zhvillimin e sfidës, që tani do të klasifikohet si e prapambetur. Momentalisht nuk ka ende një datë se kur mund të luhet kjo ndeshje.