E dini sa gola ka shënuar me penallti Ronaldo në karrierën e tij?

Të shtunën në mbrëmje Cristiano Ronaldo shpëtoi Juventusin me dy penallti, duke mposhtur portierin Gollini. Portugezi i dhuroi një pikë shumë të rëndësishme skuadrës torineze, teksa këtë sezon ka arritur deri më tani në kuotën e 28 golave në total, vetëm një më pak se Ciro Immobile.

11 prej tyre janë shënuar nga 11 metra gjatë këtij sezoni, teksa nuk ka arritur që të realizojë vetëm kundër Milanit. Por sa gola ka shënuar deri më tani me penallti në karrierë Cristiano Ronaldo?

Deri më tani sipas statistikave të mediave ndërkombëtare, ai ka realizuar 31 penallti nga 157 tentativa që ka pasur gjithsej në karrierë. Me një përqindje realizimi që arrin në 83.4.

Por sa për qind të golave të totalit ka shënuar me 11-metërsh Ronaldo? Duke marrë në konsideratë faktin që ka shënuar 732 gola me klubin dhe kombëtaren. Vetëm 17.8 për qind e tyre janë shënuar nga pika e bardhë, duke i dhënë një kontribut të mirë në numrin e golave që ka realizuar në total.

Nuk është një statistikë aspak për t’u habitur duke marrë në konsideratë faktin se Ronaldo është pjesë dhe ka qenë me ekipe që për pjesën më të madhe të ndeshjes luajnë në zonën e kundërshtarëve. Shanset që ekipi i tij të fitojë një penallti janë shumë të mëdha. /Rozalb Lika-Koha Jone/