E KRYER/ Dortmundi transferon super sulmuesin e Ajaxit
Sporti E Mërkurë, 22 Qershor 2022 11:18
Pas një super sezoni te Ajaxi, Sebastian Haller do të transferohet në Bundesligë për të luajtur me Borussia Dortmund. Sipas Sport 1, thuajse është e kryer marrëveshja për futbollistin nga Bregu i Fildishtë.
Ajax kërkonte 38 milionë euro, ndërkohë që Dortmundi ishte e gatshme për të shkuar deri në 33 milionë euro. Gjithsesi është gjetur gjuha e përbashkët për kalimin për 35 milionë euro duke përfshirë dhe bonuset.
Pas Adeyemi, verdhezinjtë marrin një tjetër sulmues goli për të zëvendësuar largimin e Erling Haaland. Haller në sezonin e fundit realizoi 34 gola në 42 ndeshje. /R.Lika-Koha Jonë/
