E pabesueshme/ Haaland ka shënuar këtë sezon sa i gjithë sulmi i Realit

Statistikat tregojnë se Erling Haaland këtë sezon ka shënuar sa e gjithë skuadra e Real Madridit. Sulmuesi norvegjez, i cili është një nga objektivat kryesor në verë, ka shënuar 40 gola me fanellën e Salzburgut dhe Borusisia Dortmundit në sezonin aktual.

Sulmuesi i madrilenëve, Karim Benzema ka realizuar vetëm 19 gola deri më tani. Skuadra e Zidane kërkon të mbushë boshllëkun e lënë nga largimi i Cristiano Ronaldos, teksa asnjë deri më tani nuk ka mundur as t’i afrohet shifrave të tij.

Bale ka shënuar vetëm 3 gola, ndërkohë që Luka Jovic i afruar verën e kaluar, gjeti vetëm dy herë rrugën e rrjetës. Më shumë se ata të dy ka shënuar Sergio Ramos me 7 gola deri më tani, 5 prej të cilëve me 11-metërsh.

Eden Hazard, i ardhur me shumë bujë verën e kaluar, ka vuajtur një seri të gjatë dëmtimesh, duke e dërguar vetëm 1 herë topin në rrjetë. Në total sulmuesit e Los Blancos kanë shënuar 40 gola, po aq sa ka shënuar i vetëm Haaland. /R.Lika-Koha Jone/