E pabesueshme/ Punonjësi i sigurisë dëmton Moratën pas ndeshjes, rrezikon finalen (VIDEO)

Alvaro Morata ka përjetuar një makth të vërtetë në fund të gjysmëfinales ndaj Francës, që mund t’i kushtojë dhe finalen e së dielës.

Sulmuesi spanjoll, ndonëse ishte zëvendësuar nga trajneri De la Fuente, ka pësuar një lëndim të rëndë, këtë herë krejt aksidentalisht.

Morata po festonte me shokët e ekipit, kur një punonjës sigurie, në tentativë për të kapur një tifoz që kishte hyrë në fushë, rrëshqiti dhe u përplas në këmbët e tij.

Sulmuesi u pa të çalonte dhe të mbante gjurin me dorë, madje disa media raportuan se ai mund të humbasë finalen.

Alvaro Morata missing the Euros final because he got two-footed by a steward would be the most Alvaro Morata thing ever pic.twitter.com/RwMeBsrBT0

— Paddy Power (@paddypower) July 9, 2024