E thonë statistikat, Maignan është portieri më vendimtar në Seria A

Mike Maignan po konfirmohet si një faktor vendimtar për Milanin dhe si portieri më përcaktues i Serie A. Sipas të dhënave të publikuara nga Opta, gardiani francez ka pësuar vetëm 16 gola në 20 javë kampionat, përballë 23.7 gola të prishëm, një diferencë që flet qartë për ndikimin e tij të jashtëzakonshëm mes shtyllave.

Kjo do të thotë se Maignan ka shmangur plot 7.7 gola që, në kushte normale, do të kishin përfunduar në rrjetë. Një diferencë e madhe, që pasqyron pritje vendimtare, reflekse jashtë normales dhe një aftësi të vazhdueshme për të ndryshuar fatin e ndeshjeve në momentet kyçe.

Treguesi expected goals on target conceded mat probabilitetin që një goditje në portë të shndërrohet në gol, duke marrë parasysh cilësinë e rasteve të krijuara nga kundërshtarët: pozicionin e goditjes, fuqinë, këndin dhe zonën e portës ku drejtohet topi. Në këtë aspekt, Maignan spikat mbi të gjithë, duke konfirmuar rolin e tij si një nga pikat më të forta të Milanit në këtë sezon.