Efekti Neymar, çmimet e lojtarëve shkojnë në stratosferë

100 milionë euro për një lojtar dukej çmenduri pak ditë më parë, ndërsa tani duket pak. “Fajin” e ka Paris SG, me blerjen rekord 222 miliono euro, duke paguar klauzolën e lirimit nga kontrata të brazilianit   Neymar me Barcelonën. Kjo e fundit interesohet për yllin e ri francez të Borussia Dortmund, Ousmane Dembele, me një ofertë që përflitet deri në 100 milionë euro.

“Vlerësim shumë i ulët”, deklaroi për Europost administratori i Dortmundit, Hans-Joachim Watzke, pas ndeshjes së Superkupës kundër Bayernit.

“I njëjti diskutim vlen edhe për Aubameyang”, shtoi Watzke, duke trembur edhe Milanin, i cili prej kohësh përpiqet të marrë sulmuesin gabonez.

Kuqezinjtë deri tani janë frenuar para kërkesës 70 milionë euro të Dortmunit. Tani, me rivlerësimin e bërë nga Watzke, duke një marrëveshje që nuk ka për t’u arritur kurrë.