Ekipi kuqezi e nis me humbje fushatën Euro 2024, Sylvinho guxon në debutim

Kombëtarja shqiptare e futbollit e nisi me humbje fushatën kualifikuese për Europianin 2024.

Kuqezinjtë e Sylvinhos humbën 1-0 me Poloninë në Varshavë, teksa tanët bënë një lojë të mirë sulmuese dhe me katër raste të pastra shënimi.

Portieri Szczęsny te vendasit ishte heroi i Polonisë, teksa ndali tre goditje që po shkonin në rrjetë.

Për kuqezinjtë Sylvinho debuton me humbje, teksa guximi në lojën sulmuese u vu re në Varshavë. Jasir Asani dhe Anis Mehmeti ishin dy emrat e rinj që debutuan me Shqipërinë.